बैतडीमा जिप दुर्घटना

बैतडीः बैतडीमा जिप दुर्घटना भएको छ।

जिल्लाको पाटन नगरपालिका–१० को ठाँटाबाट सिगास गाउँपालिका–३ तर्फ गइरहेको सुदूरपश्चिम प्रदेश ०४००१ च ००४३ नम्बरको जिप सिगास गाउँपालिका–३ को डुँडै नजिक सोमबार बिहान दुर्घटनामा परेको हो। जिपमा चालक धर्म कुँवर मात्रै रहेको र उनी सकुशल रहेको प्रहरीले जनाएको छ।  

जिप सडकबाट करिब तीन सय मिटर तल खसेको छ। जिप पूर्ण रुपमा क्षति भएको छ। ब्रेक फेल भएर जिप दुर्घटनामा परेको जिल्ला प्रहरी कार्यालयका प्रमुख प्रहरी नायब उपरीक्षक दिपक गिरीले बताए।