धनगढीमा लागुऔषधसहित किशोर पक्राउ

धनगढीः कैलालीस्थित धनगढीमा लागुऔषधसहित एक किशोर पक्राउ परेका छन्। जिल्लाको धनगढी उपमहानगरपालिका वडा नम्बर २ बैयाबेहडीको शिव मन्दिर नजिकबाट २९० मिलिग्राम लागुऔषधसहित १७ वर्षीय किशोर पक्राउ परेका हुन्।

उनी धनगढी उपमहानगरपालिका वडा नम्बर २ का हुन्। सोमवार रातिको समयमा प्रहरी चौकी त्रिनगरकाट खटिएको टोलीले लागुऔषधसहित उनलाई पक्राउ गरेको हो।