धनगढीका पनेरू रिटर्नी निबन्ध प्रतियोगितामा प्रथम
धनगढीः धनगढीका त्रिलोकराज पनेरू निबन्ध प्रतियोगिता जितेका छन्। ह्युमन रिसोर्स डेभलपमन्ट सर्भिस अफ कोरियाले देशव्यापी आयोजना गरेको रिटर्नी निबन्ध प्रतियोगितामा पनेरु प्रथम भएका हुन्। नेपालभरका कोरियामा काम गरेका सहभागीले भाग लिन पाउने निबन्ध प्रतियोगितामा धनगढी उपमहानगरपालिका वडा नम्बर ५ हसनपुर घर भएका पनेरुले प्रथम स्थान हासिल गरेका हुन्।
कोरिया बसेर नेपाल फर्किएर विभिन्न उद्यम गरिरहेका रिटर्नीहरूले भाग लिएको निबन्ध प्रतियोगिता विजेता पनेरूलाई नोभेम्बर २२-२४ सम्म कोरियाको राजधानी सियोलमा आयोजना हुने 'इपिएस मिटिङ अफ एक्सलन्ट ई- ९ रिटर्निङ वकर्स' मा भाग लिने अवसर मिलेको छ। तीन दिनसम्म चल्ने सम्मेलनमा कोरिया कामदार पठाउने विभिन्न १६ देशका नागरिकहरूको सहभागिता रहने छ।
कोरिया रिटर्नी पनेरूलाई नेपाल सरकारले २०७६ मा राष्ट्रिय उद्यमी पुरस्कार प्रदान गरेको थियो।
