एसिसी प्रिमियर कप सेमिफाइनलमा नेपालको प्रतिद्धन्दी जापान

मलेसियामा जारी एसिसी यू–१९ प्रिमियर कप क्रिकेट प्रतियोगिताको सेमिफाइनलमा नेपालले जापानसँग प्रतिस्पर्धा गर्ने भएको छ। नेपाल समूह ‘ए’ र जापान समूह ‘डी’ को विजेता बन्दै सेमिफाइनलमा पुगेका हुन्। नेपाल र जापानबीचको खेल शनिवार हुनेछ।

प्रतियोगिताको अर्को सेमिफाइनल खेलमा शनिवार नै यूएई र सिंगापुरले प्रतिस्पर्धा गर्नेछन्।  यूएई समूह ‘बी’ र सिंगापुर समूह ‘सी’ को विजेताका रूपमा सेमिफाइनलमा प्रवेश गरेका हुन्। नेपालले समूहगत चरणको तीनवटै खेलमा जित हात पारेको थियो।

नेपालले आफ्नो पहिलो खेलमा इरानलाई २ सय ७४ रनको विशाल अन्तरले हराएको थियो। आफ्नो दोस्रो खेलमा नेपाली टोलीले बहराइनलाई सात विकेटले पराजित गरेको थियो। प्रतियोगितामा १६ देश सहभागी छन्। प्रतियोगिताबाट तीनवटा टोली यसै वर्ष पाकिस्तानमा आयोजना हुने एसिसी यू–१९ एसिया कपमा छनोट हुनेछन्।