धनगढीका दुई युवा लागुऔषधसहित पक्राउ

धनगढीः कैलालीस्थित धनगढीका दुइ युवा लागुऔषधसहित पक्राउ परेका छन्। कञ्चनपुरको बेलौरी नगरपालिका वडा नम्बर १० सडकघाटबाट उनीहरू पक्राउ परेका हुन।

सुदूरपश्चिम प्रदेश प्रहरी कार्यालय, धनगढीका अनुसार २ ग्राम २१० मिलिग्राम लागुऔषधसहित धनगढी उपमहानगरपालिका वडा नम्बर १३ का २३ वर्षीय सन्तोष राना र २२ वर्षीय शिवा राना लागुऔषधसहित पक्राउ परेका हुन्।इलाका प्रहरी कार्यालय, बेलडाँडी कञ्चनपुरको प्रहरी टोलीले उनीहरूलाई पक्राउ गरेको हो।

उनीहरूको साथबाट एक थान मोटरसाइकलसमेत बरामद गरिएको छ।