बैतडीका दुई घरबाट दिउँसै सुन र नगद चोरी
![](https://dineshkhabar.com/sites/default/files/styles/row_list/public/field/image/chori_19.jpg?itok=USpJGgi5)
बैतडीः बैतडीका दुई घरबाट दिउँदै सुन र नगद चोरी भएको छ।
पाटन नगरपालिका–४ बत्थीका गंगासिंह महरा र तारासिंह महराको घरबाट सुन र नगद चोरी भएको जिल्ला प्रहरी कार्यालय बैतडीका प्रवक्ता एवं प्रहरी निरीक्षक योगेश खत्रीले बताए।
बुधबार दिउँसोको समयमा गंगासिंह महराको घरबाट एक तोला चार आनाको गलोबन्द र ४ आनाको तिलरी चोरी भएको छ।
त्यस्तै सोही ठाउँका तारासिंह महराको घरबाट दुई आना र ५ आनाको दुईटा तिलरीसहित नगद ६ हजार तीनसय रुपैंया चोरी भएको प्रहरीले जनाएको छ।
घरभित्र बाकसमा राखेका सुनका गहना र नगद चोरी भएको हो। चोरीमा संलग्नको खोजी कार्य भइरहेको प्रहरीले जनाएको छ।
![cp](https://dineshkhabar.com/sites/default/files/WhatsApp_Video_2023-06-04_at_12_04_26_PM_AdobeExpress (2).gif)
![add (golden walk)](https://dineshkhabar.com/sites/default/files/1720425056360.jpg)
![Sonalika](https://dineshkhabar.com/sites/default/files/Sonalika-Tractors-ko-web-banner-giff.gif)