डोटीको सिमचौरका २३ परिवारलाई सोलार वितरण

डोटीः डोटीको बोगटान फुड्सिल गाउँपालिका वडा नम्बर १ सिमचौरका २३ परिवारलाई सोलार वितरण गसरएको छ। बुधवार गैर सरकारी संस्था आरसिडिसी तथा युएमएनको आर्थिक सहयोग र वडा कार्यालयको सहकार्यमा प्रति परिवार ५० वाटको एक गरेर २३ सोलार वितरण गरिएको हो।

आरसिडिसी तथा युएमएनको संयुक्त परियोजना जलवायु परिवर्तन न्यूनीकरण अन्तरगत वडाका एकल महिला, असहाय, अपाङ्गता भएका व्यक्ति र विपन्न परिवारको छनोट गरेर सोलार वितरण गरिएको वडा अध्यक्ष खेम घर्तिमगरले बताए। वडाका नागरिक विद्युत्को पहुँच भन्दा बाहिर रहेकाले उनीहरूको टुकी बालेर बस्नुपर्ने बाध्यतालाई मध्यनजर गरी सोलार वितरण गरिएको वडा अध्यक्ष्मगराले बताए। सोलार पाएपछि स्थानीय खुसी भएका छन्।