सल्यानमा जिप दुर्घटना हुदा १५ जना घाइते 

सल्यानः  सल्यानमा जिप दुर्घटना हुँदा १५ जना घाइते भएका छन्। जिल्लाको छत्रेश्वरी गाउँपालिका–५ तिर्थपोलेस्थित भित्रि कच्ची सडकमा जिप दुर्घटनामा परेको हो। लेखपोखराबाट शारदा नगरपालिका –१२ कागखोला जाँदै गरेको लु १ ज १८६१ नम्बरको जिप आज दुर्घटना भएको हो।

स्थानीय र प्रहरीको सहयोगमा अहिले उद्धारको काम भइरहेको र घाइतेहरुलाई उपचारका लागि श्रीनगरतर्फ पठाइएको जिल्ला प्रहरी कार्यालय सल्यानका सूचना अधिकारी गोपाल श्रेष्ठले बताए। सूचना अधिकारी श्रेष्ठका अनुसार जिप सडकबाट करिब ६० मिटर तल खसेको छ।