धनगढीमा केजिष्टको सक्रियतामा सरसफाई

धनगढीः कैलालीको धनगढीस्थित रातोपुलमा रहेको केजिष्ट होटेल म्यानेजमेन्ट इन्सिच्युटले सन्तोषी टोलमा सरसफाई कार्यक्रमको आयोजना गरेको छ।

केजिष्टका विद्यार्थी, शिक्षक तथा कर्मचारीहरुले मुख्य सडकदेखि सन्तोषी टोलसम्म सरसफाई गरेका छन्। सफा र प्लास्टिक मुक्त धनगढीको नारासहित सरसफाई कार्यक्रमको आयोजना गरिएको हो।

आफ्नो सामाजिक उत्तरदायित्व अन्तर्गत केजिष्टले सरसफाई कार्यक्रमको आयोजना गरेको एकेडेमिक हेड सन्दीप पाण्डेले बताए। विगत १२ वर्षदेखि केजिष्टले धनगढीमा होटेल म्यानेजमेन्ट र डिप्लोमा कोर्षहरुमार्फत दक्ष जनशक्ति उत्पादन गर्दै आएको छ।