कञ्चनपुरको एक गोठमा आगलागी

कञ्चनपुरः कञ्चनपुरको एक गोठमा आगलागी भएको छ।

जिल्लाको पुनर्वास नगरपालिका–११ स्थित राम जानकी टोलका अमर चौधरीको घर नजिकै रहेको गोठमा आगलागी भएको हो। काठ र टायलले छाएको गोठमा शनिवार बिहान अचानक आगलागी भएको चौधरीले बताएका छन्।

आगलागी हुँदा गोठमा रहेको पराल, भुषा र काठ जलेर नष्ट भएको उनले बताए। आगलागीबाट करिब एक लाख बराबरको क्षति भएको प्रहरीले जनाएको छ। दमकल, स्थानीय र प्रहरीको सहयोगमा आगो नियन्त्रणमा आएको बताइएको छ।