लागु औषधसहित चार जना पक्राउ
![](https://dineshkhabar.com/sites/default/files/styles/row_list/public/field/image/Arrest%20pakrau1659760785.jpg?itok=lSpWbSuY)
धनगढीः लागु औषधसहित चार जना पक्राउ परेका छन्। कैलाली र कञ्चनपुरका विभिन्न क्षेत्रबाट चार जना लागुऔषधसहित बुधवार पक्राउ परेका हुन्।
सुदूरपश्चिम प्रदेश प्रहरीका अनुसार धनगढी उपमहानगरपालिका वडा नम्बर ३ त्रिनगर ब्यारेलबाट पाँच ग्राम लागुऔषसहित रमेश राना पक्राउ परेका छन। अछामको मंगलसेन नगरपालिका वडा नम्ब। १ घर भएका राना धनगढीको बसपार्कमा कोठामा बस्दै आएका थिए। २३ वर्षीय रानालाई लागुऔषध नियन्त्रण ईकाइ महेन्द्रनगर र जिल्ला प्रहरी कार्यालय कैलालीको संयुक्त टोलीले पक्राउ गरेको हो।
यस्तै धनगढी उपमहानगरपालिका वडा नम्बर २ मिलनचोकबाट सात सय मिलिग्राम लागुऔषधसहित २५ वर्षीय विज्ञान बस्नेत पक्राउ परेका छन्। धनगढी उपमहानगरपालिका वडा नम्बर ४ बोराडाँडीका बस्नेत बुधवार दिउँसो पक्राउ परेका हुन्। प्रदेश प्रहरीका अनुसार लागुऔष नियन्त्रण ईकाइ महेन्द्रनगर र प्रहरी चौकी त्रिनगरको प्रहरी टोलीले उनलाई पक्राउ गरेको हो।
उता कञ्चनपुरको शुक्लाफाँटा नगरपालिका वडा नम्बर ११ बनारापुलबाट ४८ ग्राम लागुऔषधसहित २८ वर्षीय तेजबहादुर राना र अर्जुनबहादुर राना पक्राउ परेका छन्। तेजबहादुरको घर सोही ठाउँ हो भने अर्जुनको घर अत्तरिया हो। ईलाका प्रहरी कार्यालय झलारी र अस्थायी प्रहरी पोष्ट कलुवापुरको प्रहरी टोलीले उनीहरुलाई पक्राउ गरेको हो। उनीहरुको साथबाट एक थान मोटरसाइकलसमेत बरामद गरिएको छ।
![nast](https://dineshkhabar.com/sites/default/files/GIF_20240817_081752_058.gif)
![Sonalika](https://dineshkhabar.com/sites/default/files/Sonalika-Tractors-ko-web-banner-giff.gif)
![zeroo (add)](https://dineshkhabar.com/sites/default/files/456423139_541782204985733_4411965831574763754_n.jpg)