हरियाली धनगढी अभियानमा साइनो एजुकेशनको साथ 

धनगढीः  धनगढी उपमहानगरपालिकाले सुरु गरेको दोस्रो चरणको हरियाली धनगढी अभियानमा साइनो एजुकेशनले सहयोग गरेको छ।

हरियाली प्रवर्द्धन गर्ने र धनगढीलाई पर्यावरणमैत्री बनाउने उद्देश्यका साथ सुरु गरिएको सो अभियानमा सहभागिता जनाउँदै साइनो एजुकेशनका सञ्चालक रोहित चन्दले सोमबार दुईवटा बिरुवा बराबर १० हजार रुपैयाँ नगरप्रमुख गोपाल हमाललाई हस्तान्तरण गरे हुन्।

हरियाली प्रवद्र्धन गर्ने र धनगढीलाई पर्यावरणमैत्री बनाउने अभियानमा जनसमर्थन बढ्दै गएको छ। उपमहानगरपालिकाले यसका लागि हरियाली प्रवद्र्धन कोष नै स्थापना गरेर रकम जम्मा गर्न ४१७०१००३०५०१०००२ नम्बरको खाता नै सार्वजनिक गरेको छ।