हरियाली धनगढी अभियानमा सहयोगी हातहरू थपिदै
धनगढीः धनगढी उपमहानगरपालिकाले अघि सारेको दोस्रो चरणको हरियाली धनगढी अभियानमा सहयोगीहरु निरन्तर जोडिरहेका छन्।
धनगढी उपमहानगरपालिकाले अघि सारेको दोस्रो चरणको हरियाली धनगढी अभियानमा सहभागी हुदै स्व. हजुरबुवा दुर्गा दत्त जोशी (पुर्व सांसद) र हजुरआमा कौशल्या जोशीेको स्मृतिमा उनका नाति धनगढी –३ चटकपुरका राकेश जोशीले दुईवटा बिरुवा बराबर १० हजार सहयोग गरेका छन्।
यस्तै सोहि अभियानमा सहभागि हुदै स्व.ठगे कुवंरको स्मृतिमा धनगढी निवासी उनका छोरा÷बुहारी भिमबहादुर कुवंर÷धना देवी कुवरले एउटा बिरुवा बराबर पाँच हजार नगद नगरप्रमुख गोपाल हमाललाई हस्तान्तरण गरका छन्।
यस्तै सोहि अभियानमा सहभागि हुदै धनगढी –१ नैनादेवी टोलका दिवश दवाडीले एउटा बिरुवा बराबर पाँच हजार पाँच सय ५५ रुपैँया नगद नगरप्रमुख हमाललाई हस्तान्तरण गरेका हुन्।
सोहि अभियानमा सहभागि हुदै धनगढी –४ मा अवस्थित गुरुकुल सेक्यूरेटीका संचालक चाँदनी शाहीले एउटा बिरुवा बराबर पाँच हजार रुपैँया नगद नगरप्रमुख हमाललाई हस्तान्तरण गरेकि छन्।
