अत्तरिया उद्योग वाणिज्य संघको नयाँ नेतृत्वका लागि मतदान सुरु

धनगढीः कैलालीको अत्तरियामा रहेको अत्तरिया उद्योग वाण्ज्यि संघको नयाँ नेतृत्व चयनका लागि मतदान सुरु भएको छ। गोदावरी नगरपालिका वडा नम्बर–२ मा रहेको दुर्गालक्ष्मी नमुना माध्यामिक विद्यालयमा बिहान ८ बजेदेखि मतदान सुरु भएको हो।

११ पदका लागि हुने निर्वाचनका लागि २३ जनाले उम्मेदवारी दिएका छन्। संघको नयाँ कार्यसमितिको अध्यक्षका लागि ३ जना र उपाध्यक्ष (उद्योग), उपाध्यक्ष (वाणिज्य), उपाध्यक्ष (वस्तुगत), महासचिव, कोषाध्यक्ष, सचिवका लागि २र२ जनाले उम्मेदवारी दिएका छन्। त्यस्तै संघको ४ जना सदस्यका लागि ८ जनाले उम्मेदवारी दिएका छन्। ३ जना अध्यक्षका उम्मेदवार रहेका छन् भने दुई प्यानल सहित चुनावी मैदानमा होमिएका छन्।