धनगढीको कपडा बैंकलाई सहयोग

धनगढीः धनगढीको कपडा बैंकलाई सहयोग गरिएको छ।

धनगढी उपमहानगरपालिका वडा नम्बर ४ को शिवपुरी धाममा रहेको कपडा बैंकलाई सहयोग गरिएको हो। धनगढी उपमहानगरपालिका वडा नम्बर ३ विशालनगरका नारायणदत्त भट्टले एक सय ३८ थान कपडा सहयोग गरेका हुन्।

यस्तै गोदावरी नगरपालिका वडा ५ गेटाका रोशन चन्दले ३८ थान कपडा सहयोग गरेका छन्। बैंकमा जम्मा भएका कपडा नागरिकलाई निःशुल्क वितरण गर्ने गरिएको छ। कपडा बैंक धनगढी उपमहानगरपालिकाका नगर प्रमुख गोपाल हमालले सञ्चालनमा ल्याएका थिए।