मर्मत सम्भारमा ४० लाख खर्च गरिएको उद्योग पर्यटन वन तथा वातावरण मन्त्रालयमा साढे २५ लाखका फर्निचर खरिद

मर्मत सम्भारमा ४० लाख खर्च गर्दै स्थापना गरिएको उद्योग पर्यटन वन तथा वातावरण मन्त्रालयले साढे २८ लाखका फर्निचर किनेको छ । प्रदेश सरकार व्यवस्थापन समितीले मर्मत सम्भारमा ४० लाख खर्च गर्दै स्थापना गरेको मन्त्रालयमा साढे ८ लाखको फर्निचर किनिएको थियो । मन्त्रालय स्थापनाको चार महिनामा थप १७ लाखका फर्निचर किनिएको छ । प्रदेश सरकार व्यवस्थापन समितीले मन्त्रालयलाई आवश्यक पर्ने साढे ८ लाखको फर्निचर किनिर दिएकोमा हाल आएर थप दोब्बर वढी साढे १७ लाखका फर्निचर खरिद गरिएको छ ।
क्षेत्रीय वन निर्देशनालयमा स्थापना गरिएको उद्योग पर्यटन वन तथा वातावरण मन्त्रालयले छोटो अवधिमै लाखौंका फर्निचर किनेको हो । गत फागुनमा मन्त्रालय स्थापना गर्नका लागि सो भवनमा मर्मत सम्भारमा ४० लाख खर्च प्रदेश सरकार व्यवस्थापन समितीले गरेको अवस्थामा आवश्यक पर्ने सवै फर्निचरहरुका लागि पनि साढे ८ लाखका फर्निचर किनिएको थियो । आवश्यक पर्ने सवै फर्निचर किनेर हस्तान्तरण दिईएको अवस्थामा प्रदेश मन्त्रालय सञ्चालन भएको चार महिनामै थप १७ लाख ७ हजारका फर्निचर किनिएको हो । मर्मत सम्भारका लागि ५० लाख रकम छुट्टाईएकोमा त्यसमा एक रुपैया पनि खर्च नगर्दा फर्निचर फिक्चर्समा १७ लाख रकम सिद्धाईएको हो । सफ्टवेयर निर्माण र खरिद खर्च शिर्षकमा पनि एक रुपैया पनि खर्च गरिएको छैन् ।
२० लाख रकम फर्निचर तथा फिक्चर्स शिर्षकमा छुट्टाईएकोमा अव २ लाख ९३ हजार खर्च गर्न वाँकी छ भने मेसिनरी औजार शिर्षकमा २५ लाख छुट्टाईएकोमा अव साढे ७ लाख खर्च गर्न वाँकी छ । असार सकिन केही दिन वाँकी रहेकोले दुवै शिर्षकमा थप खर्च हुने अनुमान गरिएको छ । उद्योग पर्यटन वन तथा वातावरण मन्त्रालयको पुजीगँत वजेट एक करोड ५ लाख रहेकोमा साढे ७० लाख खर्च हुन वाँकी रहँदा साढे ३४ लाख फर्निचर र मेसिनरी औजारमा खर्च गरेर वजेट सिद्धाईएको छ । चार वटा शिर्षकमध्ये दुई वटा शिर्षकमा एक रुपैया पनि खर्च नगरिदा दुई वटा शिर्षकमा भने कुल वजेटको एक तिहाई रकम सिद्धाईएको हो । मन्त्रालयका कर्मचारी, मन्त्रीदेखि कार्यकर्ता र नेताहरुका लागि आवश्यक पर्ने फर्निचर किनिएको आशंका भईरहेका वेला यस वारेमा उद्योग पर्यटन वन तथा वातावरण मन्त्रालयले भने कुनै प्रतिक्रिया दिएको छैन् ।