सुदूर नेपाललाई विश्वसँग जोड्दै

मुम्बई उड्न लागेको जहाजको इन्जिन स्टार्ट नभएपछि...

२०७९ मंसिर ११, ०३:१० खबर संवाददाता

काठमाडौंः मुम्बई उड्ने तयारीमा रहेको नेपाल वायुसेवा निगमको न्यारोबडी जहाज ए३२० (आरए २०१) जहाज त्रिभुवन अन्तर्राष्ट्रिय विमानस्थलमा ग्राउण्डेड भएको छ।

विमानस्थल कार्यालयका एक अधिकारीका अनुसार यो जहाज बिहान ११ः३० मा भारतको मुम्बई उड्ने तयारीमा थियो। सोही अनुसार यात्रु चढाइएको थियो। तर, इन्जिन स्टार्ट हुन सकेन। प्राविधिक समस्याका कारण इन्जिन स्टार्ट नभएपछि सो जहाज ग्राउण्डेड भएको छ।

आइतबार नै दिल्लीबाट फर्किएको अर्को न्यारोबडी जहाजमा यस जहाजका यात्रु राखेर जहाज मुम्बई पठाउन लागिएको छ। यो जहाजमा १५२ जना यात्रु रहेका छन्। जहाज मुम्बईबाट आइतबार नै काठमाडौं फिर्ता हुनेछ। इन्जिन स्टार्ट नभएको जहाजको भने प्राविधिक जाँच सुरु गरिएको बताइएको छ।

कमेन्ट लोड गर्नुस