सुदूरपश्चिम प्रदेश अधिवेशन : २०२ मतगणना हुँदा देउवा समूहका बलायरको अग्रता

धनगढी : नेपाली काँग्रेसको प्रथम सुदूरपश्चिम प्रदेश अधिवेशनअन्तर्गत जारी मतगणनामा संस्थापन पक्षका वीरबहादुर बलायरले सुरुवाती अग्रता लिएका छन्।

सभापतिमा बलायरको १४० मत र इतर पक्षका नारायणदत्त मिश्रको ५७ मत रहेको छ भने ३ मत बदर भएको छ ।  उपसभापतिमा गोपाल गुरुङको ५७, जनकराज चौधरी १२६, माबहादुर रावलको ४७, लोगराज अवस्थीको १२० र  हिमबहादुर रावलको १९ मत रहेको छ। चौधरी र अवस्थी देउवा समूहका हुन्। 

यस्तै देउवा पक्षका महामन्त्रीका उम्मेदवार नरनारायण शाहको १३१ र मेघराज खड्काको १४१ तथा पौडेल पक्षका रामबहादुर शाहीको ६० र प्रताप गुर्धामीको ४७ मत छ। सह-महामन्त्रीमा गोपालदत्त भट्टको १२३, चिन्तामणी भट्टको ११८, नरेन्द्रप्रसाद भट्टको ४७, पदमराज पन्तको ५०, लक्ष्मणबहादुर शाहीको २५, हर्कबहादुर स्वारको १८, अम्बिका कुमारी चलाउनेको १४०, खिना भण्डारीको ४३  मत छ।