H-A

सुदूर नेपाललाई विश्वसँग जोड्दै

२०७८ भदौ ३१, बिहिवार १२:४३
Sep 16 2021, Thursday
12:43:02 PM

एमाले एक ढिक्का छ : नेता रावल

विज्ञापन
रासस
२०७८ भदौ २९ १०:५०
अ+

धनगढीः नेकपा एमालेका उपाध्यक्ष भीमबहादुर रावलले एमाले विभाजन रोक्नका लागि नै १० बुँदे सहमति भएको बताउनुभएको छ। 

आज धनगढीमा आयोजित कार्यकर्ता भेटघाट कार्यक्रममा उहाँले १० बुँदे सहमति कार्यान्वयन भएर एमाले एक ढिक्का हुने बताए। उनले जनताको भावना र कम्युनिष्ट आन्दोलन सम्झेर नै १० बुँदे सहमति भएकाले सो सहमतिअनुसार देशका धेरै जिल्लामा कार्यान्वयन भएको जिकिर गरे।

फरक प्रसङ्गमा उनले अहिले एमालेमा आएको समस्या २०५४ सालको पार्टी फुटभन्दा सानो भएकाले यसबाट पार्टीलाई धेरै ठूलो समस्या नहुने बताए। एमाले छोडेर नेकपा (एकीकृत समाजवादी) बनेको पार्टीले एमसीसीबारे आफ्नो प्रष्ट धारणा नल्याएको उनको भनाइ छ। उनले नेकपा (एकीकृत समाजवादी)मा लाग्न विकास योजना र पद दिन खोजिएको उल्लेख गर्दै उनले आफूहरु पद, प्रतिष्ठाका लागि कम्युनिष्ट नभएको बताए।

उनले भने, “कतिपयलाई कांग्रेससित मिलेर ठूलो पार्टी हुने आशा छ तर त्यस्तो सम्भव छैन।” उनले आफू अहिले पनि एमाले पार्टीको उपाध्यक्ष र प्रदेश संयोजक भएको दाबीसमेत गरे। रावल आफ्नो गृह जिल्ला अछामसहितका जिल्ला भ्रमणका लागि यहाँ आएका हुन्।
 

विज्ञापन
विज्ञापन
विज्ञापन
विज्ञापन
Skip Ad