फेरि बढ्यो कोरोना दर, सेती अस्पतालमा गरिएको परीक्षणमा ४८ जनामा संक्रमण
धनगढीः धनगढीस्थित सेती प्रादेशिक अस्पतालमा गरिएको परीक्षणमा थप ४८ जना कोरोनाको संक्रमण देखिएको छ। सोमबार अस्पतालको प्रयोगशालामा २६९ जनाको नमूना परीक्षण गरिएकोमा ४८ जनामा संक्रमण पुष्टि भएको अस्पतालका सूचना अधिकारी दिलिपकुमार श्रेष्ठले जानकारी दिए।
सूचना अधिकारी श्रेष्ठका अनुसार अस्पतालबाट सोमबार ८ जना संक्रमित निको भएर घर फर्किएका छन भने ४ जना संक्रमित अस्पताल भर्ना भएका छन। हाल अस्पतालमा २४ जना संक्रमित उपचाररत रहेका छन्। जसमध्ये ३ जनाको आइसियूमा राखेर उपचार भइरहेको छ।