कैलालीबाट लागुऔषधसहित एक जना पक्राउ
२०७८ साउन ६, ११:१५
कैलाली: कैलालीमा लागुऔषधसहित एक युवक पक्राउ परेका छन्।
मंगलबार भजनी नगरपालिका–१ स्थित महोन्याल सामुदायिक वनबाट सोही नगरपालिकाको वडा नम्बर ८ चर्राका ३० वर्षीय दिनेश चमारलाई पक्राउ गरिएको हो।
उनको साथबाट ५ ग्राम खैरो हेरोइन नामक लागुऔषध बरामद गरिएको जिल्ला प्रहरी कार्यालय कैलालीले जनाएको छ।
पक्राउ परेका चमारमाथि थप अनुसन्धान भइरहेको प्रहरीले बताएको छ।
कमेन्ट लोड गर्नुस