तालमा माछा मार्न गएका युवकको डुबेर मृत्यु

जनकपुरधाम : तालमा माछा मार्न गएका एक जनाको मृत्यु भएको छ। 

सर्लाहीको बागमती नगरपालिकास्थित भरत तालमा माछा मार्न गएका युवकको सोही तालमा डुबेर मृत्यु भएको हो।

मृत्यु हुनेमा बागमती नगरपालिका वडा नम्बर १ निवासी १८ बर्षीय सुशान्त थापाको मृत्यु भएको प्रहरीले जनाएको छ। 

प्रहरीका अनुसार नगरपालिकाको वडा नम्बर १२ स्थित उक्त तालमा थापासहित ७ जना युवक शनिबार माछा मार्न गएका थिए। अन्य युवाहरु सकुशल रहेकोमा थापा डुबेर वेपत्ता भएका थिए।

वेपत्ता भएका थापाको शव आईतबार साँझ फेला परेको सर्लाही प्रहरीले जनाएको छ।