कञ्चनपुरमा लागुऔषधसहित ३ जना पक्राउ
कञ्चनपुर: कञ्चनपुर प्रहरीले लागुऔषधसहित ३ जनालाई पक्राउ गरेको छ।
जिल्लाको शुक्लाफाँटा नगरपालिका–१० झलारी बजारबाट सोही ठाउँका ३४ वर्षीय बिक्रम शिलाल, २५ वर्षीय विशाल थापा र २६ वर्षीय बिनोद नागरी पक्राउ परेका हुन्।
सोमबार दिउँसो पक्राउ परेका उनीहरुको साथबाट २ ग्राम ६४० मिली ग्राम ब्राउनसुगर फेला परेको जिल्ला प्रहरी कार्यालय कञ्चनपुरले जनाएको छ।
पक्राउ परेका सबैमाथि थप अनुसन्धान भइरहेको कञ्चनपुर प्रहरीका प्रवक्ता प्रहरी नायव उपरीक्षक अमरबहादुर थापा क्षेत्रीले बताए।