सुदूर नेपाललाई विश्वसँग जोड्दै

कञ्चनपुरमा पनि लम्बियो निषेधाज्ञा

२०७८ जेठ २०, ०४:०३ खबर संवाददाता

धनगढीः कञ्चनपुरमा जारी निषेधाज्ञा पनि लम्बिएको छ। बिहीबार जिल्ला कोभिड–१९ संकट व्यवस्थापन केन्द्रको बैठकले गरेको निर्णयका आधारमा जेठ ३१ गतेसम्म निषेधाज्ञा थप भएको हो। 

जिल्लामा कोभिड संक्रमणदर धेरै नघटेको भन्दै जेठ ३१ गतेसम्म निषेधाज्ञालाई निरन्तरता दिने निर्णय भएको प्रमुख जिल्ला अधिकारी रामकुमार महतोले जानकारी दिए। 

उनका अनुसार सबै बैंक तथा वित्तीय संस्थाहरु आइतबार र बुधबार बिहान १० बजेदेखि दिउँसो १ बजेसम्म जनस्वास्थ्यका मापदण्डहरुको कडाईका साथ पालना गरी सञ्चालन गर्न सकिने छ। 

यस्तै तरकारी, फलफूल, खाद्यान्न, दूध डेरी, मासु, खानेपानी, ग्याँस पसलहरु, किराना पसल र डिपार्टमेन्टल स्टोर (ग्रोसरी मात्र) प्रत्येक आइतबार र बुधबार बिहान ६ बजेदेखि ९ बजेसम्म मात्र खुला गर्न पाउने निर्णय भएको छ। त्यस्तै विवाह व्रतबन्धको हकमा बढीमा १० जनासम्म सहभागी हुन पाउनेछन्। 

यसअघि कैलाली प्रशासनले पनि जेठ ३१ गतेसम्मलाई निषेधाज्ञा थपेको छ।

 

कमेन्ट लोड गर्नुस