अक्सिजन कन्सन्ट्रेटर खरिदका लागि डडेल्धुराका पन्त दम्पतीद्वारा २५ हजार सहयोग
धनगढीः रोटरी क्लब धनगढीले चलाएको अक्सिजन कन्सन्ट्रेटर खरिदका लागि डडेल्धुराका पन्त दम्पतीले २५ हजार रुपैयाँ आर्थिक सहयोग गरेका छन्।
डडेल्धुरा कारिगाँउ घर भइ हाल इमाडोल ललितपुर बस्दै आएका चेतराज पन्त र उनकी पत्नी अनिता पन्तले अक्सिजन कन्सन्ट्रेटर अभियानमा २५ हजार सहयोग गरेका हुन्।
कोरोनाका गम्भीर प्रकृतिका बिरामीको जीवन रक्षाका लागि प्रति घण्टा १० लिटर अक्सिजन प्रदान गर्ने १ सय थान अक्सिजन कन्सन्ट्रेटर खदिर गरी अस्पतालहरुलाई वितरण गर्ने क्लबले निर्णय गरेको थियो।
सोही अभियानका लागि क्लबलाई १ करोड ३० लाख रकम आवश्यक परेको हुँदा सबैलाई सहयोग गर्न अध्यक्ष तोयराज भट्टले आग्रह गरेका थिए।
रोटरी क्लब धनगढीले अक्सिजन कन्सन्ट्रेटर खरिदका लागि चलाएको सहयोग अभियान हाल स्थगित गरिसकेको छ। सुदूरपश्चिमका अस्पतालहरूमा १ सय थान अक्सिजन कन्सन्ट्रेटर हस्तान्तरण गर्ने उद्देश्यले थालिएको आर्थिक संकलन अभियानमा दुई दिनमै आवश्यक रकम संकलन भएको भन्दै क्लबले आर्थिक संकलन अभियान बन्द गरेको हो।
