धनगढीका विवेक शर्माले अक्सिजन कन्सन्ट्रेटर खरिदका लागि दिए ५ हजार ५ सय
धनगढीः धनगढीका विवेक शर्माले रोटरी क्लब अफ धनगढीले अक्सिजन कन्सन्ट्रेटर खरिद गर्न थालेको अभियानमा आर्थिक सहयोग गरेका छन्।
शिवाङ्ग ट्रेडर्सका सञ्चालक शर्माले क्लबलाई ५ हजार ५ सय सहयोग गरेका हुन्। उनले १८ वटा खाली अक्सिजन सिलिन्डर समेत उपलब्ध गराएका छन्।
कोरोनाका गम्भीर प्रकृतिका बिरामीको जीवन रक्षाका लागि प्रति घण्टा १० लिटर अक्सिजन प्रदान गर्ने १ सय थान अक्सिजन कन्सन्ट्रेटर खदिर गरी अस्पतालहरुलाई वितरण गर्ने क्लबले निर्णय गरेको छ।
सोही अभियानका लागि क्लबलाई १ करोड ३० लाख रकम आवश्यक परेको हुँदा सबैलाई सहयोग गर्न अध्यक्ष तोयराज भट्टले आग्रह गरेका छन्।
क्लबले सहयोग रकम रोटरी क्लब अफ धनगढीको एभरेष्ट बैंक लिमिटेड धनगढी शाखामा रहेको खाता नम्बर ०११००५०१२२५२३९ मा जम्मा गर्न आग्रह गरेको छ। सम्पर्कका लागि ९८५८४२०२२४, ९८४१६३३०००, ९८५८४२०१६३ र ८५८४२२४२७ मा फोन गर्न सकिनेछ।
