भीमदत्त नगरपालिकाको महाकाली अस्पताललाई २० लाख सहयोग

धनगढी: कञ्चनपुरको भीमदत्त नगरपालिकाले महाकाली अस्पताललाई २० लाख रुपैयाँ सहयोग गरेको छ। 

बिहीबार अस्पताललाई उक्त नगरपालिकाका प्रमुख सुरेन्द्र बिष्ट र उप प्रमुख सुशीला चन्द सिंहले सो रकमको चेक प्रदान गरेका हुन्। 

कोरोना भाइरसको महामारीकाबीच अस्पतालमा अक्सिजनलगायतका अतिआवश्यक उपकरण अभाव हुन थालेपछि नगरपालिकाको तर्फबाट सो रकम सहयोग गरिएको बताइएको छ।