सुदूर नेपाललाई विश्वसँग जोड्दै

साढे एक लाख रुसी स्पुतनिक भी खोप भारत आइपुग्यो

२०७८ वैशाख १९, ०५:०७ रासस

हैदराबाद: कोरोना भाइरसको महामारीबाट आक्रान्त भएको भारतलाई रुसले कोरोनाविरुद्धको खोप सहयोग गरेको छ। 

रुसले कोरोना भाइरसविरुद्ध आफैंले विकास गरेको स्पुतनिक भी खोप एक लाख ५० हजार मात्रा भारतलाई प्रदान गरेको हो। रुसले भारतलाई सहयोग स्वरुप पठाएको खोप शनिबार भारत आइपुगेको अधिकारीहरुले जानकारी दिएका छन्। रुसले अहिले प्रारम्भिक चरणको मात्रै पठाएको र अरु पनि पठाउने तयारी भइरहेको रुसी पक्षले बताएको भारतीय अधिकारीहरुको भनाई छ। 

खोपको अर्को मात्रा आगामी केही हप्तापछि आउने उनीहरुले बताएका छन्। रुसबाट पठाइएको खोप भारतको हैदराबादमा झारिएको हो। भारतमा कोरोना भाइरसबाट सङ्क्रमित भएकाहरुलाई स्पुट्नीक भी खोप लगाउने अनुमति यसअघि नै सरकारी निकायले दिइसकेको छ। 

भारतमा योसँगै तीन ओटा खोप प्रयोगका लागि अनुमति दिइएको छ। अरु दुई ओटा खोप कोभ्याक्सीन र कोभिसिल्ड यसअघिदेखि नै प्रयोग पनि हुँदै आएको थियो। भारतमा कोरोना भाइरसको महामारी दिन प्रतिदिन बढेपछि भारतको आन्तरिक स्रोत साधनले मात्रै थेग्न नसक्ने अवस्था सृजना भएको छ। 

महामारीसँग जुध्नका लागि भारतलाई गाह्रो भएपछि अमेरिका, बेलायत, जापान, रुसलगायतका धेरै देशले भारतलाई विभिन्न प्रकारका सहयोगहरु प्रदान गरेका छन्। -पिटिआई

कमेन्ट लोड गर्नुस