धनगढी–दिपायल द्रुतमार्गको झण्डै २३ किलोमिटर सडक कालोपत्रेका लागि ठेक्का
धनगढीः धनगढी दिपायल द्रुतमार्गको झण्डै २३ किलोमिटर सडक कालोपत्रेका लागि ठेक्का सम्झौता गरिएको छ।
योजना कार्यालयका अनुसार बुधबार धनगढी–स्याउले सडक खण्डको १३ दशमलव ४ र दिपायल–बाजमोर्ड खण्डको ९ दशमलव ४ किलोमिटर सडक कालोपत्रेका लागि सम्झौताको आशयपत्र सार्वजनिक गरिएको हो।
योजना कार्यालयका प्रमुख खगेन्द्र शाहीका अनुसार धनगढी–स्याउले १३ दशमलव ४ किलोमिटर कालोपत्रका लागि भ्याटसहित १८ करोड ५१ लख ९० हजार र दिपायल–बाजमोर्ड ९ दशमलव ४ किलोमिटरका लागि १६ करोड ७ लाख ६७ हजारमा सम्झौता भएको हो।
३० महिनाको निर्माण अवधि तोकिएकोमा उक्त सडकको धनगढी खण्डमा खड्का–कृष्ण–नारायण–बंलामुखी जेभी र दिपायल खण्डमा आश्रय–प्रशंसा–दुनिला जेभीले ठेक्का पाएका हुन्।