शनिबार गौरीफन्टा नाका हुँदै नेपाल फर्किएकामध्ये ६७ जनामा कोरोना
धनगढी: कञ्चनपुरको गौरीफन्टा नाका हुँदै नेपाल फर्किएकामध्ये ६७ जनामा कोरोना संक्रमण देखिएको छ।
गौरीफन्टा हेल्थ डेस्कका इन्चार्ज गणेश साउदका अनुसार सो नाका भएर शनिबार १ हजार २ सय जना भित्रिएका छन्।
तीमध्ये ५ सय ११ जनाको एन्टीजेन विधिबाट कोरोना परीक्षण गर्दा ६७ जनामा संक्रमण पुस्टि भएको उनले बताए।
हालसम्म उक्त नाकाबाट भित्रिएकामध्ये ९ हजार ५ सय २ जनाको कोरोना परीक्षण गरिएको छ भने ६८४ जनामा संक्रमण पुस्टि भएको छ।