बाल विवाह गर्ने बेहुला र उनका बुवा पक्राउ

काठमाडौं: बाल विवाह गर्ने बेहुला र उनका बाबुलाई प्रहरीले वीरगञ्जबाट पक्राउ गरेको छ। 

वीरगञ्ज महानगरपालिका-१६ नगवा बस्ने ४६ वर्षीय बुवा र उनका १९ वर्षीय छोरा पक्राउ परेका हुन् । माघ १९ गते १९ वर्षी युवकको विवाह वीरगञ्ज-१६ लक्ष्मीनारायण टोल बस्ने १७ वर्षीया युवतीसँग भएको थियो ।

उनीहरुविरुद्ध बालविवाह मुद्दामा पर्सा जिल्ला अदालतबाट ७ दिनको म्याद थप गरी अनुसन्धानअघि बढाइएको प्रहरीले जनाएको छ।

आरोपितलाई बाल विवाह सम्बन्धी कसूरमा मुद्दा दर्ता गरि अनुसन्धान भइरहेको पर्साका प्रहरी नायब उपरीक्षक ओम प्रकाश खनालले जानकारी दिए।