१३ वर्षीया बालिकालाई बलात्कार गर्ने ८४ वर्षीय वृद्ध पक्राउ
काठमाडौं: १३ वर्षीया बालिकालाई बलात्कार गरी फरार भएका ८४ वर्षीय वृद्ध पक्राउ परेका छन्।
सल्यानको कपुरकोट गाउँपालिका गाडापानीका ८४ वर्षीय जीतलाल बोहरालाई प्रहरीले ४ वर्षपछि पक्राउ गरेको हो।
२०७३ माघ ७ गते बालिकामाथि बलात्कार गरेको कसुरमा सल्यान जिल्ला अदालतले बोहोरालाई ८ वर्ष कैद सजाय फैसला गरेको थियो।
पक्राउ परेका उनलाई अदालतमा बुझाएर कारागार चलान गरिएको जिल्ला प्रहरी कार्यालय सल्यानका डीएसपी गोविन्द थापाले बताए।