भीमदत्तमा डायलासिस सेन्टर सञ्चालन गरिने
२०७७ माघ ८, ०७:१२
धनगढी : भीमदत्त नगरपालिकामा डायलासिस सेन्टर सञ्चालन गरिने भएको छ ।
बुधबार नेपाल नगरपालिका संघका अध्यक्ष अशोक कुमार ब्याञ्जुले उक्त नगरपालिकाको ४३औं वर्ष तथा दोस्रो स्थापना दिवसका अवसरमा अबको एक महिनाभित्रै सेन्टर सञ्चालन गरिने बताएका हुन् ।
उनले जर्मनको दातृ निकायको सहयोगमा भीमदत्तसहित देशका २० सहरमा डायलासिस सेन्टर सञ्चालनका लागि सम्झौता भइरहेको बताए ।
कार्यक्रमका प्रमुख अतिथि समेत रहेका अध्यक्ष ब्याञ्जुले सम्झौता अनुरुप नेपाल आउने दुई हजार ह्विलचेयरमध्ये सय ओटा भीमदत्तलाई प्रदान गरिने पनि बताएका छन् ।
यस्तै नगरपालिकाको स्थापना दिवसकै अवसरमा त्यहाँको वडा नम्बर १७ को कार्यालय भवन पनि उद्घाटन गरिएको छ । सो वडा कार्यालय भवनको उद्घाटन नगर प्रमुख सुरेन्द्र विष्टले गरेका थिए ।
कमेन्ट लोड गर्नुस