पानीमा डुबेर बालकको मृत्यु
२०७७ असोज ३, ०६:०६
रौतहट: रौतहटमा खाल्डोमा जमेको पानीमा डुबेर एक बालकको ज्यान गएको छ। जिल्लाको मौलापुर नगरपालिका– ३ गमहरियाका रामप्रवेश यादवका ५ वर्षीय छोरा रविकिसन यादवको पानीमा डुबेर मृत्यु भएको प्रहरीले जनाएको छ।
उनीसँगै डुबेका सोही ठाँउका छोटेलाल यादवको वर्ष ६ का मेघनाथ यादव र बर्ष ४ का अमित यादवको वीरगञ्जस्थित उपचार भइरहेको छ।
अत्यधिक गर्मी लागेर शनिवार दिउँसो तिनैजना बालक गमहरिया गाँउछेउ सहिदचोक नजिकै खाल्डोमा जमेको पानीमा नुहाउने क्रममा डुबेका थिए।
कमेन्ट लोड गर्नुस