काठमाडौंमा फेरि एसिड आक्रमण, आमाछोरी घाइते
काठमाडौंमा फरि एसिड आक्रमण भएको छ। चुच्चेपाटीमा एसिड आक्रमण हुँदा आमाछोरी घाइते भएका प्रहरीले जनाएको छ। बिहीबार राति एसिड आक्रमण भएको हो।
आपसी विवादका क्रममा श्रीमानले श्रीमतीलाई एसिड हानेको र सो क्रममा छोरीलाई पनि लागेको बताइएको छ। श्रीमती र छोरीलाई श्रीमानले थिनर (एसिड) प्रहार गरेका हुन्। श्रीमतीको आँखामा चोट लागेकोले उनलाई तिलगङ्गा आँखा अस्पताल लगिएको छ। हेटौंडा घर भई चुच्चेपाटी डेरा गरी बस्ने राजन बिष्टले थिनर प्रहार गरेको र उनलाई नियन्त्रणमा लिएको प्रहरीले बताएको छ।
गत साउन ८ गते काठमाडौंको वाफलमा दुई पुरुषले २२ वर्षीय युवतीमाथि एसिड प्रहार गरेका थिए।