Covid-19(Coronavirus) update
World Nepal
Confirmed
Recovered
Deaths

कञ्चनपुरबाट फर्किएकी संक्रमित महिलाको सम्पर्कमा आएका ३५ जनाको नुमना संकलन

खवर संवाददाता
२०७७ जेठ १, ०५:००
अ+

धनगढी : कञ्चनपुरको बेदकोट नगरपालिका १० सिसैयाकी ३३ वर्षीया महिलामा कोरोना संक्रमण पुष्टि भएपछि उनको सम्पर्कमा आएका परिवारका पाँचसहित गाउँका ३५ जनाको स्वाब संकलन गरिएको छ।

टेकु अस्पतालमा स्वाब परीक्षण गर्दा उनमा कोरोना संक्रमण पुष्टि भएपछि उनको सम्पर्कमा आएका ३५ जनाको थ्रोट स्वाबको नमुना संकलन गरिएको हो।

बुधबार उनको बेदकोटस्थित घरका पाँचसहित गाउँका ३५ जनाको कोरोना परीक्षणको लागि स्वाब संकलन गरिएको बेदकोट नगरपालिकाका मेयर अशोककुमार चन्दले जानकारी दिए।

करिब दुई महिना कञ्चनपुर बसेर उनी २८ वैशाखमा सशस्त्र प्रहरीको स्वास्थ्यकर्मी टोलीसँगै छोराछोरी लिएर काठमाडौँ फर्किएकी थिइन्। 
 

Skip Ad