मोटरसाइकल दुर्घटना हुँदा एक जनाको मृत्यु
मोटरसाइकल दुर्घटना हुँदा एक जनाको मृत्यु भएको छ।
धनुषाको मिथिला नगरपालिका ६ मगरटोलस्थित सडकमा मोटरसाइकल दुर्घटना हुँदा चालक धनौजी गाउँपालिका ५ का २६ वर्षीय अजयकुमार मण्डलको मृत्यु भएको प्रहरीले जनाएको छ। मण्डलले चलाएको प्रदेश २ ०२ ००२ प १६५७ नम्बरको मोटरसाइकल बिहीबार राति अनियन्त्रित भइ विद्युतको पोलमा ठोक्किँदा दुर्घटना भएको थियो।
दुर्घटनामा गम्भीर घाइते भएका मण्डलको प्रादेशिक अस्पताल जनकपुरमा उपचारको क्रममा मृत्यु भएको प्रहरीले जनाएको छ।