कोलवाङ्ग भिरमा जिप दुर्घटना हुँदा एकजनाको मृत्यु
प्यूठानको स्वर्गद्धारी नगरपालिका–४ कोलवाङ्ग भिरमा चार जना सवार बोलेरो जिप दुर्घटना हुँदा एकजनाको मृत्यु भएको छ । अन्य तीनजना भने घाइते भएको जिल्ला प्रहरी कार्यालय प्यूठानले जनाएको छ ।
बिहीबार बिहान भिंग्रीबाट पानी बोकेर स्वर्गद्धारी जान लागेको बोलेरो जिप दुर्घटना भएको हो । मृतकको सनाखत नभएको बताइएको छ।
जिप कोलवाङ्गबाट करिब चार सय मिटर तल खसेको छ । घाइतेको प्राथमिक स्वास्थ्य चौकी भिंग्रीमा उपचार भइरहेको छ । चालक फरार रहेको र घटनाबारे थप विवरण आउन बाँकी रहेको जिल्ला प्रहरी कार्यालय प्यूठानले जनाएको छ ।