सुदूर नेपाललाई विश्वसँग जोड्दै

तीन लाखको अवैध सालको काठ बरामद

। फोटो स्रोत ।
२०७६ कार्तिक २, ०२:५१ खबर संवाददाता

गोरखा नगरपालिका–१० छेवेटार बजारबाट करीब रु तीन लाख मूल्य बराबरको अवैध सालको काठ बरामद भएको छ। छेवेटार बजारको सानो बगैँचामा बेबारिसे अवस्थामा रहेको करीब ४५ दशमलव ४५ थान क्युफिट काठ बरामद भएको डिभिजन वन कार्यालय गोरखाले जनाएको छ। 

अवैध सालको काठको गोलिया रहेको भन्ने गोप्य सूचनाको आधारमा सदरमुकामबाट खटिएको विशेष प्रहरी टोलीले २० थान सालको काठ (गोलिया) बेवारिसे अवस्थामा फेला पारेको गोरखाका प्रहरी प्रमुख एसपी ओम अधिकारीले बताए। बरामद भएको सालको काठ रु दुई लाख ७२ हजार ७०० बराबरको बजार मूल्यको भएको सहायक वन अधिकृत तथा डिभिजन वन कार्यालय गोरखाका सूचना अधिकारी महेश पौडेलले बताए। बरामद सबै काठ अहिले सवडिभिजन वन कार्यालयमा राखिएकोे छ।

काठ कसले ल्याएको हो भन्ने बारेमा केही खुल्न नसकेको कार्यालयले जनाएको छ। बरामद भएको काठ आम्दानीमा बाँधेर प्रक्रिया पु¥याइ लिलामी गर्ने सूचना अधिकारी पौडेलले बताए। काठ कसले र कहाँ लैजान लागेको हो भन्ने जानकारी नभएकाले थप अनुसन्धान भइरहेको सवडिभिजन कार्यालय गोरखाले जनाएको छ। 
 

कमेन्ट लोड गर्नुस