बस दुर्घटना हुँदा दुई जनाको मृत्यु

रोल्पामा बस दुर्घटना हुँदा दुई जनाको मृत्यु भएको छ। जिल्लाको सुनिल स्मृति गाउँपालिका–३, रुइनिबाङमा सोमबार बस दुर्घटना हुँदा लुङ्ग्री गाउँपालिका–३ का २२ वर्षीय चालक यामलाल घर्ती र लुङ्ग्री गाउँपालिका–२ का १८ वर्षीय यात्रु सूर्यलाल जीएमको मृत्यु भएको प्रहरीले जनाएको छ।

रुइनिबाङ बजारको जीप पार्कमा फर्काउने क्रममा ब्याक गर्दा आर्शीवाद यातायात प्रा.लि.को ग १ ख ५५३७ नम्बरको बस लुङ्ग्री खोलामा खसेको प्रहरीले जनाएको छ। बसमा अन्य यात्रु भने नभएको  प्रहरीले जनाएको छ ।