भुटानमा भारतीय सेनाको हेलिकप्टर दुर्घटना हुँदा दुई पाइलटको मृत्यु

भुटानमा भारतीय सेनाको हेलिकप्टर दुर्घटना हुँदा दुई पाइलटको मृत्यु भएको छ। अरुणाञ्चलको खिरुमबाट भुटानको योङ्फुल्लाका लागि उडेको हेलिकप्टर शुक्रबार दुर्घटना भएको हो। हेलिकप्टरमा रेडियो कनेक्सन बिग्रिएपछि दिउसो १ बजेतिर दुर्घटनामा परेको जनाइएको छ।

दुर्घटनामा एक भारतीय सेनाका राजनिस परमर र भुटानी सेनाका कलजंग वाङ्दीको मृत्यु भएको द हिन्दुले जनाएको छ। उनीहरू दुबै जना पाइलट हुन्। दुर्घटनापछि भारतले उद्धार तथा खोजी गर्न अरू सेना पठाएको थियो।