महेन्द्रनगरबाट काठमाडौं जादै गरेको बसको ठक्करले रुपन्देहीमा दुई जनाको मृत्यु
महेन्द्रनगरबाट काठमाडौं जादै गरेको बसले ठक्कर दिदा रुपन्देहीमा दुई जनाको मृत्यु भएको छ। गएराती पूर्वपश्चिम राजमार्ग अन्तर्गत रुपन्देहीको कलौनेमा महेन्द्रनगरबाट काठमाडौ जादै गरेको ना ७ ख ५९४८ नम्बरको बसले विपरीत दिशाबाट आइरहेको लु ८ प ८४७५ नम्बरको मोटरसाइकललाई ठक्कर दिँदा मोटरसाइकलमा सवार दुई जनाको मृत्यु भएको प्रहरीले जनाएको छ। मृत्यु हुनेहरुको सनाखत भने नभएको प्रहरीले जनाएको छ। बस र चालकलाई प्रहरीले नियन्त्रणमा लिएको छ।