अन्तर विद्यालय ‘धनगढी कप’ को उपाधी स्टेपिङ स्टोन स्कुललाई

लिटल फ्लावर बोर्डिङ हाइस्कुल धनगढीको आयोजनामा फाप्ला क्रिकेट मैदानमा भएको ‘अन्तर विद्यालय टि–२० क्रिकेट प्रतियोगिता’ को उपाधी स्टेपिङ स्टोन इङ्लिस स्कुलले   जितेको छ। शारदा विद्या निकेतनलाइ ५ विकेटले पराजित गर्दै जितेको हो। टस जितेर सुरुमा ब्याटिङ गरेको शारदाले १७ दशमलव ४ ओभरमा अल आउट हुँदै ७० रन बनायो।

७१ रनको विजयी लक्ष्य सहित मैदान उत्रिएको स्टेपिङले १३ दशमलव १ ओभरमा ५ विकेट गुमाउदै लक्ष्य पुरा ग¥यो। स्टेपिङका मनोज कुवर फाइनल खेलको प्लेयर अफ द म्याच घोषित भए। यस्तै प्लेयर अफ द सिरिज बिरेन्द्र ढुङ्गाना, बेस्ट ब्याट्सम्यान बिजय गुप्ता, बेस्ट बलर मनोज कुवर, राइजिङ प्लेयर मुकेस शाह घोषित भए। प्रतियोगितामा १६ विद्यालयहरुको सहभागीता रहेको थियो।

प्रतियोगिताको बिजेताले २५ हजार, उपबिजेताले १२ हजार ५ सयसंगै ट्रफी र प्रमाणपत्र प्राप्त गरेका छन्। प्लेयर अफ द टुर्नामेन्टले २ हजार, बेस्ट ब्याट्सम्यान, बलर र राइजिङ प्लेयरले जनही एक÷एक हजारसंगै ट्रफी र प्रमाणपत्र प्राप्त गरेका छन्। उक्त प्रतियोगिता ‘निस्ट कलेज लिटल फ्लावर प्रीमियर लिग–४’ को तयारी स्वरुप आयोजना भएको आयोजकले जनाएको छ।