कञ्चनपुरमा प्रदेश स्तरीय क्रिकेट लिग हुदै

खवर संवाददाता
२०७६ जेठ २१, १२:४०
अ+

कञ्चनपुरमा आउँदो असारमा प्रदेश स्तरीय क्रिकेट लिग सञ्चालन हुने भएको छ।  स्टार प्रोडक्सनको आयोजनामा सदरमुकाम महेन्द्रनगरमा असार दोस्रो साताबाट सुदूरपश्चिम प्रदेश स्तरीय क्रिकेट लिग सञ्चालन हुने भएको हो। प्रतियोगितामा कैलाली र कञ्चनपुरका ३२ विद्यालयको सहभागिता रहने आयोजकले जनाएको छ।  

प्रतियोगितामा कक्षा १० सम्म  अध्ययन गर्ने विद्यार्थीले मात्र खेल्न पाउनेछन्।  प्रतियोगितामा प्रथम हुनेलाई नगद ५५ हजार, ट्रफी र प्रमाण पत्र, द्धितिय हुनेलाई नगद २५ हजार,  ट्रफी र प्रमाण पत्र प्रदान प्रदान गरिनेछ।   प्रतियोगिता अन्तरगत विभिन्न विधामा उकृष्ट खेलाडीलाई साइकल , क्रीकेट ब्याट,जुत्ता,क्रीकेट झोला र अन्य गिफ्टहरुका साथै ट्रफी र प्रमाण पत्र प्रदान गरिने आयोजकले जनाएको छ।