इन्डियन आइडलको टप १० बाट बाहिरिइन् मेनुका

भारतको चर्चित गायन रियालिटी शो ’इन्डियन आइडल’ सिजन १४ को दौडबाट नेपाली गायिका मेनुका पौडेल बाहिरिएकी छन्।

पारिवारिक स्रोतका अनुसार उनी टप १० बाट टप ८ मा जाने क्रममा बाहिरिएकी हुन्। उनीसँगै अर्का प्रतिस्पर्धी उत्पाल दत्त पनि बाहिरिएका छन् आइडलका निर्णायक तथा अतिथि कलाकारहरूले उनको गायकीको मुक्त कण्ठले प्रशंसा गर्दै आएका थिए। उनलाई ’दोस्रो लता मंगेश्कर’ भनी प्रशंसा गर्नेहरू पनि थिए। तर, उनी बाहिरिएपछि निर्णायकहरू पनि दुःखी बनेका छन्।

मेनुका सोमवार घर फर्किंदैछिन्। इन्डियन आइडलको टप १० मा पुगेर विश्वभर नेपालीलाई चिनाउने काम गरेको भन्दै मेनुकालाई गृहपालिका हल्दिवारी, सप्तक संगीत विद्यालय झापा लगायतका संघ संस्थाले सम्मान गर्ने कार्यक्रम तय गरेका छन्।