सुर्खेतमा एक किशोरको हत्या

धनगढी : सुर्खेतमा एक किशोरको हत्या भएको छ। जिल्लाको पंचपुरी नगरपालिका वडा नम्बर ६ कुवापानीका १८ वर्षीय भरत बुढा आफ्नो घरसँगै रहेको बाख्रोको खोरनजिकै मृत फेला परेका सुर्खेत प्रहरीले बताएको छ।

जिल्ला प्रहरी कार्यालय, सुर्खेतका प्रवक्ता कृष्ण खड्काका अनुसार सोमवार राति १ बजे घटनाको विषयमा प्रहरीलाई सूचना आएको थियो। उक्त सूचनापछि मङ्गलवार जिल्ला प्रहरी कार्यालय, सुर्खेतका प्रमुख योगेन्द्र सिंह थापासहितको प्रहरी टोली घटना स्थल पुगेको छ।

प्रहरीले तालिम प्राप्त कुकुरसहित अनुसन्धान सुरु गरेको खड्काले बताए। उनकी बहिनी समेत घाइते छिन्।

उनको शरिरका विभिन्न भागमा चोटपटक देखिएको छ। सोमबार राति भएको यो घटनामा कसको संलग्नता छ खुलिसकेको छैन। प्रहरीमा जाहेरीसमेत नआएको खड्काले बताए।