बाजुरामा कालाजारका बिरामी भेटिए
तराईका जिल्लामा देखिने कालाजार रोग बाजुरामा पनि देखा परेको छ । बाजुराको उत्तरी क्षेत्रका स्थानीय तहमा कालाजारका बिरामी भेटिएको कोल्टि प्राथमिक स्वास्थ्य केन्द्रका प्रमुख डाक्टर सत्य शाहीले वताए।
कालाजारबाट ७ महिना पहिले एक जना वालिकाको मृत्यु समेत भएको स्वास्थ्य केन्द्रले वताएको छ । पहिले स्वामीकार्तिक गाँउपालिका– ५ जेराका १३ बर्षीया भाग्य शाहीको उपचारका क्रममा काठमाडौको कान्ति वाल अस्पतालमा मृत्यु भएको थियो । साउन यता पनि दुई जना बिरामी भेटिएको र उनीहरुलाई उपचारका लागि नेपालगञ्ज पठाईएको डाक्टर शाहीले वताए।
स्वामिकार्तिक गाँउपालिका–५ जेराका ११ बर्षिय कञ्चना शाही र स्वामिकार्तिक गाँउपालिका २ साप्पाटा की ३ बर्षीया करिश्मा भण्डारीलाई यो रोग देखा परेर उपचारका लागि कोल्टी प्राथमिक स्वास्थ्य केन्द्रमा ल्याएको थियो। उनलाई पनि उपचारका लागि नेपालगंज पठाईएको छ।
प्रकास सिह दिनेश खवरका बाजुरा संवाददाता हुन्।