गर्मी वढ्दै गएपछि जुस व्यवसाय फस्टायो

कैलाली कञ्चनपुरमा अत्यधिक गर्मी सुरु भएको छ। बढ्दो गर्मीसँगै चिसो पेयदार्थ आईसक्रिम र उखुको जुस खानेको भीड बजारमा बढ्न थालेको छ। उपभोक्ता बढेपछि प्रदेश नम्वर ७ का दुई जिल्लाका विभिन्न वजारहरुमा हाते मेसिनबाट जुस बनाउने व्यवसाय फष्टाएको छ भने वजारका विभिन्न ठेलाहरुमा चिसो पेय पदार्थ र आईक्रिम वेच्नेहरु पनि ठाउँ ठाउँमा वढिरहेका छन्। बिहानैदेखि बजारमा जुस पिउने सर्वसाधरणको भीड देखिन थालेको छ । गर्मीबाट राहत मिल्नभएकोले जुस पिउने उपभोक्ता बढ्दै गएका हुन्।

धनगढीमा उखुको जुस वेच्दै आउनु भएकी आरती वर्मा जुस वेचेर नै दिनमा ३ हजारसम्म आम्दानी गरिरहेको वताउछिन्। उखुको जुसको मुख्य प्रति गिलास २० रुपैया रहेको छ। गर्मीको समयमा मात्रै फस्टाउने उखुको जुस व्यापारवाट लाखौ रुपैयासम्म आम्दानी हुने गरेको  छ । यसको कमाईले घरपरिवारको जनजीविका चलाउनुका साथै छोराछोरीलाई शिक्षादिक्षा दिन सकिएको उनको भनाई छ। उखुको जुससँगै चिसो पेयपदार्थको विक्री वितरण वढेको छ भने विभिन्न स्वादमा पाईने आईसक्रिम  खानेहरु पनि वढेका छन। विभिन्न  कम्पनीहरुले उत्पादन गरिरहेका आईसक्रिमका ठेलाहरु वजारका चोक चोकमा राखेर विक्री वितरण भईरहेको छ । आईसक्रिमको व्यापार पनि वढेसँगै यसवाट पनि राम्रै आम्दानी भईरहेको आईसक्रिम वेच्दै आउनु भएका धनगढीको सन्तोषी टोलका हिमान्सु जेस्वालले बताए। मौसमी व्यापार मौसममा आधारित भएपनि यसवाटै राम्रै आम्दानी भईरहेको छ।